已故全國政協副主席霍英東長孫霍啟剛與跳水公主郭晶晶嘅戀情幾近開花結果，記得啟剛送過一條卡地亞（Cartier）手繩予晶晶做定情信物，之後晶晶繩不離手，但原來啟剛都係Cartier擁躉。卓妮早前去咗博鰲青年論壇一個午宴，無意間發現啟剛戴住Cartier新款Santos100 Carbon系列手錶。
Cartier呢款Santos100採用高科技碳鍍層（ADLC）質料，經過ADLC塗層嘅絲光鈦金屬錶殼，配合玫瑰金或精鋼錶圈，帶出原始型味，Man得嚟唔俗氣。Santos100嘅經典元素係錶框上仿飛機座艙嘅螺絲裝飾，加埋黑色錶盤設計，流露年輕活力。隻錶咁有睇頭，售價逾八萬元。
其實晶晶都係Cartier迷，今年初佢來港出席「中國運動員教育基金慈善晚宴」，曾獲Cartier贊助價值三十萬元嘅Love系列頸鏈、耳環和手錶，型爆全場。啟剛同晶晶嘅品味咁一致應該十分合拍。
卓妮