「睇住一身傷痕咁走，個心好唔安樂！」連女士指八十五歲高齡的母親因中風而不良於行，家人以為入住安老院可獲更佳照顧。不過，今年八月突接院舍通知，指其母「跌損咗小小」，連趕往了解，發現母親「塊面瘀晒」。不足一個月後，連再接院舍通知，指老太已被送往急症室，並返魂乏術，「冇見佢個幾禮拜，瘦到得棚骨，依家仲去埋！」
院方涉隱瞞健康紀錄
連女士懷疑母親跌傷及健康轉差與院舍的人手不足有關，「一個人照顧幾十個老人家，有兩個人一齊跌親已經搞唔掂啦！」連向社署投訴，竟然獲覆院舍人手比例合乎要求。至於母親受傷一事，連則質疑安老院有隱瞞之嫌，「啲紀錄話佢個頭縫過針，仲要打破傷風針，唔係跌損小小，想攞番阿媽個健康檢查紀錄，又話係機密唔畀得，社署都唔知點監管！」
安老院發言人指事件純屬意外，事發當日，事主等候洗澡期間，疑因為檢拾地上衣物致連人帶椅前傾，令左眼角受傷，事件已經向事主的家人匯報。至於健康紀錄，則在請示社署後向家屬交還。
大埔那打素醫院發言人證實，病人患有多種慢性內科病，因低血糖、氣促等入院，同日因肺炎離世。
社署發言人則重申該院人手符合法例規定，院方在意外後已即時通知長者家屬。根據紀錄，○七年十一月至○九年九月期間，安老院牌照事務處共接獲九十七宗投訴，包括護老院長者受傷及照顧不周等，十七間院舍已被書面警告。
「跌親成日都有，跌碎盆骨甚至跌死都聽過，仲有好多人唔識去投訴，一路都係啞忍！」社區及院舍照顧員總工會主席張惠蓮指出，現有不少私營院舍的人手比例偏低，平均一名員工需照顧二十至四十人，夜更甚至高達一比六十，認為現有投訴數字未能反映實際情況，「最理想係一個日間護理員照顧三個老人家！」
乏巡查 院舍質素參差
社區組織協會幹事吳衞東表示，院舍質素參差與社署巡查機制及監管有關，「私院可能一年都巡唔到一次，甚至有意外先去查，平時係點根本冇人知！」吳促加強巡查並且加建資助院舍以解決問題。
記者 莫麗珊