證實被佔用的官地位於烏溪沙渡頭村，毗連沙灘，約於兩年前已變身燒烤場，每逢假期吸引大批市民光顧。現場所見，燒烤場內除放置多個燒烤爐外，更為顧客提供舢舨、太陽傘、射燈、更衣室等配套設施。燒烤場旁雖豎立「政府土地」告示，明顯未能起着警示作用。

出租小艇 無救生衣

一名渡頭村村民指出，沙灘昔日草木茂盛，自年前有人胡亂砍伐樹木、霸佔土地開設燒烤場後，附近一帶便寸草不生，「嗰個係公眾沙灘，但呢一、兩年個燒烤場愈霸愈大，搞到似燒烤場多過似沙灘，又嘈又污糟！」該名村民指出，去年已向政府部門投訴，一直未獲積極跟進，「政府明知有問題都當睇唔到，唔通真係山高皇帝遠？」

記者以顧客身份光顧燒烤場，職員積極推介「一條龍」服務，「租爐百二蚊，包燒烤叉同一包炭，啤酒十五蚊一支，嘢食就要自己帶，我哋幫你買都得！」職員同時又落力游說租船服務，「廿五蚊一個鐘，好抵玩㗎！」場內有不少家庭均租用小艇出海，惟小艇內未見有救生衣，安全成疑。

燒烤場出租的小艇不設救生衣，安全成疑。	燒烤場兼售啤酒，警方卻以不受規管為由，未予處理。	燒烤場會代客預備食物，但衞生存疑。
燒烤場旁雖豎立「政府土地」告示，但霸地者從未理會。

走法律罅 無本生利

「嗰度唔使驚冇客，又唔使畀租，正一無本生利！」沙田區議會衞生及環境委員會委員羅光強表示，上址為區內新旅遊景點，經營燒烤場實有利可圖。羅指現時經營燒烤場灰色地帶甚多，認為政府必須立法規管，「啲人愈嚟愈識走法律罅，一定要靠發牌先搞得掂，唔係就會愈開愈多，變成無王管！」

沙田地政處發言人證實燒烤場位於政府土地，已提醒物主移走場內物件，職員複查時，發現上址尚餘小艇及雜物仍未清理。該處已張貼通告，飭令佔用人於限期前移除所有物件，否則將採取土地管制行動。「淨係叫搬走啲嘢就算，咁同隻眼開隻眼閉冇咩分別，啲人轉頭又會再霸番，根本冇用！」立法會民政事務委員會委員王國興認為，地政總署對非法佔用官地問題愛理不理，無助改善問題，建議增加相關罰則，以收阻嚇作用。

■記者 梅可茵