最欣賞火腿汁

新同樂六十年代由袁氏家族創立，以魚翅起家，七十年代初推出魚翅撈飯更是無人不識，其中炒桂花翅最得棋哥歡心，佢話︰「我好欣賞桂花翅個火腿汁，汁跟翅上枱，你可以撈落去或者點嚟食，個汁會將啲翅嘅鮮味吊出嚟，其他酒家未試過咁樣食桂花翅。我對火腿情有獨鍾，所以佢個汁用火腿熬出嚟，再加埋啲翅就真係令我回味無窮。」

除咗魚翅之外，鮑魚、海參及燕窩等高檔食材亦為其招牌菜式，再加上店內十分講究嘅裝潢，因此頗得名人歡心。今年四月，賭王囡囡何超雲回港度復活節假期間，就曾經同埋四房嘅弟妹陪爸爸一齊到新同樂食晚飯，至於以富有人家作為故事背景嘅電視劇《珠光寶氣》亦曾到新同樂取景，可見其地位。