24/11/2009

播放本新聞相關短片

政情：劉慧卿：法改會建議封晒塵

立法會司法及法律事務委員會尋日開會，討論法改會提出就集體訴訟立法嘅建議。民主黨劉慧卿劈頭就問法改會集體訴訟小組委員會主席梁定邦，話法改會成日花工夫提建議，但唔知政府係無決心抑或輕視建議，令法改會建議經常封塵！一臉無奈嘅梁定邦惟有苦笑話，實情佢可以走去打高爾夫球唔做嘢，但佢都用咗三年時間、花費唔少心血嚟做，梗係想政府做啲嘢，不過做與唔做都權在政府！咁又係，如果要旨意特區政府嘅話，咁就真係自求多福仲實際啦！