全港唔夠20部

Panamera有乜咁巴閉？佢車廂設計豪華外，仲有動力強勁嘅4.8公升V8引擎。丹麥祖謙王子尋日坐嗰部黑色Panamera 4S，屬動力澎湃嘅跑車，動力輸出為四百匹馬力，配備四輪驅動系統，從靜止起步加速至時速一百公里，僅需四點八秒，絕對係非凡駕車樂趣。Panamera 4S售價為港幣一百五十六萬幾元，身價不凡。

香港保時捷中心市務經理王美寶話，全港依家只有十幾部Panamera系列新車，今次部新車做咗王子「御用跑車」，全因代理保時捷嘅捷成集團主席捷成漢同祖謙王子老友鬼鬼，一知對方訪港，馬上出動新車畀王子試坐吓。王子貴為尊貴嘅皇室貴族，有佢做生招牌，Panamera 4S一定好搶手囉。

卓妮