自由黨博翻身

田少話，自己年紀有番咁上下，參與二○一二年立法會選舉就未必有興趣嘞，不過，依家自由黨三位議員嘅議會工作咁忙，黨都應該研究吓競逐補選，搵多啲人入議會幫手，可以考慮嘅人選，有佢自己落新東啦，周梁淑怡再戰新西，同埋田北辰再戰九西。田少講到咁明，自由黨想借補選一鋪翻身，盲嘅都睇到啦，有建制派人士仲話，最後田二少應該會揀新西落腳，順便為二○一二年轉區鋪路咁話。

另一位建制派老將嫻姐，佢嘅戰意就無田少咁濃烈，話完全無諗補選問題，而佢亦好鍾意依家嘅工作，睇嚟佢過慣退休生活，真係無乜意欲重出江湖。不過，如果陣營認定非由嫻姐親征不可，到時嫻姐又會唔會捱義氣呢？