17/11/2009

播放本新聞相關短片

政情：東亞運賣飛曾德成自欺欺人

東亞運動會自從公布有郭晶晶、劉翔等星級國手參賽後，比賽門券慘淡銷情才有所逆轉。熱門賽事門票雖然被搶購一空，但唔少冇星級運動員坐鎮嘅項目依然乏人問津，好似乒乓球首三日嘅賽事，早兩日仲賣剩成千張門票，足球、欖球等項目亦有大量門券仲未賣得出。大家唔好忘記，政府早前仲透過教育局向全港中、小學免費派發十二萬張門票「撐場」，依家民政事務局局長曾德成講到銷情咁好，都唔知話佢自我感覺良好，定係佢自欺欺人。