戴太老公就係人所共知嘅「卡樂Ｂ之父」戴德豐，不過戴太無老公咁為食，平日只揀唔太肥膩嘅紫菜同蘇打餅過口癮。身為二子一女之母嘅佢更注重健康，近半年開始聘請瑜伽老師上門教佢Keep fit。戴太話坐得寫字樓多，頸肩不時隱隱作痛，學咗瑜伽後人都精神啲。

查實做得女童軍都並非弱質女流，女童軍總會副會長梁王培芳出名幹勁十足，尋日掛滿一身「荷蘭水蓋」出場，包括金紫荊、銀紫荊星章、太平紳士勳章，最搶眼仲係心口一個「金鑽鯉魚章」，屬女童軍最高榮譽獎章，多年來只有佢同賭王何鴻燊得過呢個獎，梁太七三年就加入女童軍，賣力多年，認真功不可沒。

戴德豐夫婦前晚盛裝出席鄭志剛婚宴。

戴太尋日以女童軍打扮現身。