由今年六月起，凡補領《港澳居民來往內地通行證》者，必須提供在辦證大堂拍攝的證件相片，否則將不予受理。呂先生早前自攜相片往中國旅行社辦理補領回鄉證手續，結果因相片不合規格而遭拒絕，「佢（職員）話啲相一定要喺嗰度影，之前都冇講過，連張表格都冇寫有呢啲規定。」呂直指有關措施欠缺宣傳，對巿民造成不便。
中旅社發言人承認，表格暫未列明有關規定，但該社的「咨詢靈」電話、中旅網上辦證須知、以及各分社大堂張貼的告示和海報、領籌處及辦證櫃枱等人員，均會向客人解釋有關規定。
民間監管公共事業聯委會發言人蔡耀昌建議中旅社多加宣傳，讓巿民得悉該辦證新規定，「以前印落嘅表格冇寫可以理解，但可以考慮喺份表釘張附頁等啲人知道。」