樓價猛於虎，小市民要購買合心水的單位，實在難於登天。有四出搵樓的市民大嘆，不少業主趁樓市暢旺開天索價，港島堅尼地城一個五百多方呎的二十年樓齡單位，竟叫價高達三百三十萬元，而且業主更講明「傾唔啱價錢無樓睇」，面對業主一副「唔憂賣」的姿態，不少打算置業人士亦惟有望樓興嘆。
甘太一直與丈夫租住灣仔區的私人住宅，由於年前誕下女兒，為了讓小寶寶有更好的居住環境及未來能入讀心儀的中西區學校，夫婦二人遂於月前開始計劃在西環置業，不過自月前西港島線工程宣布動工後，堅尼地城一帶的樓價便開始急升。甘太直言：「無諗過（樓價）會咁誇張，連三十年樓齡嘅單位都封盤唔賣。可以選擇的樓盤少之又少，唔係開天索價，就是破破舊舊，根本無辦法用合理價錢買到一層似樣的樓。」
個多月前，有地產代理向她介紹一個堅尼地城的五百多方呎單位，該大廈雖然樓齡已有十九年，但業主竟開價三百三十萬元，還明言屋內全無裝修，更要「傾啱價錢先睇樓」。她慨嘆這類情況並非偶一為之，甚至令她有放棄置業的念頭。
本報記者