政府部門處事馬虎，貽笑大方。黃小姐早前乘坐巴士途經薄扶林道近中華廚藝學院時，發現上址一個燈飾將南區區議會的英文名「Southern District Council」錯寫成「Southern Council District」。黃即時通知民政事務總署，惟遲遲未有跟進，「我話畀佢哋（民政署）知嗰陣，職員都話知道有件咁嘅事，但過咗成個禮拜都仲係冇改過！」
南區區議員陳岳鵬直指該署處事馬虎，令區議會慘被「擺上枱」，「燈飾係區議會出錢整，但就由民政署搵承建商做，有乜理由唔睇吓就收貨？」至於有市民反映多時仍遲遲不作更正一事，陳岳鵬更認為不能接受。
民政署發言人無正面回應燈飾出錯問題，只稱已更正有關寫法。