17/10/2009

播放本新聞相關短片

政情：司局長為煲呔曾孭黑鑊

煲呔曾在施政報告中提議派發慳電膽現金券，但被揭發佢親家係慳電膽代理商，涉嫌利益輸送，煲呔曾尋日發表聲明予以否認，多名司局長亦分別在不同場合幫口。環境局局長邱騰華一力承擔責任，指政策由該局提出，間接揹起隻黑鑊。政制及內地事務局局長林瑞麟就話所有政策都係為香港長遠利益籌謀，商務及經濟發展局局長劉吳惠蘭又堅稱政策不會為個別公司提供方便，但政務司司長唐英年竟然話個慳電膽市場咁大，煲呔曾親家嘅公司賺唔晒喎，真係愈幫愈忙！