不過，最後葉太都有踏足賓夕凡尼亞嘅大學校園，因為要去法律學院做個有關香港民主嘅專題演講。Cynthia為咗彌補媽媽上唔到堂嘅遺憾，落手落腳幫佢準備演講嘅嘢，除咗幫手做Power-Point，仲教佢唔好照稿讀，如果唔係就會悶親觀眾喎。

做完演講，葉太仲去咗紐約同費城玩。原來成日周圍飛嘅葉太今次係第一次去費城，Cynthia比佢熟路，仲教埋佢有咩地方唔去得添！最後葉太睇埋著名嘅百老匯歌舞劇《Mary Poppins》先返香港，實行叉足電面對嚟緊嘅工作。