資助計劃審批制度僵化

就讀浸大社會科學及通識教育雙學位課程二年級的葉楚茵，原本以為可申請學生資助幫補交學費及生活開支，豈料兩年的申請都不獲資助，「學生資助辦事處只係計算家庭收入，無計埋一個家庭其實支出有幾多」，以她為例，她有兩個弟弟就讀中學，母親為家庭主婦，只靠父親一人工作照顧全家人，「你都知依家中學生書簿費幾貴，屋企根本好難儲錢供我讀大學」。

她的遭遇並非罕見，葉楚茵舉例指，身邊有同學的父親為的士司機，需要把的士列作家庭資產之一，最終該同學亦申請不到學費資助，「架的士係搵食車，維修、牌費開支都好大，佢屋企實質上唔係富有」；又有學生每年的家庭收入都相若，但所獲得的資助卻愈來愈少，根本不足以繳交學費以及應付生活開支。

在迫不得已下，葉楚茵兩年來均在免入息貸款計劃下申請逾四萬元繳交學費，預計四年大學均要借貸，畢業時已負債近廿萬元，幸好她是修讀教育學位，畢業後可成為教師，相信能有穩定收入，「其他同學仲慘，畢業後唔知做咩工，得幾千蚊人工仲要還錢，真係好辛苦。」

楊同學（一年級生）：「貸款水平唔應該調高咁多，學生應該為自己生活負責，做兼職幫補，唔好愈借愈多錢。」

單同學（大學基礎年）：「依家大學畢業都係得七、八千蚊人工，十幾萬學生貸款好難先還得晒。」