終生不育 「我唔再係正常女人」

記者進入「子宮日記」瀏覽，記載她懷孕二百六十九天生活，最叫她驚喜的是透過超聲波，看到胎兒張開口的可愛樣子，她激動得握緊拳頭。「我想第日畀個仔睇呢個網誌，等佢知道媽咪懷胎十月嘅偉大，但出事後，我唔敢再開個網嚟睇。」

廿六歲便失去子宮，鄭小姐承受不了打擊，一度患上抑鬱症，「手術後個傷口好痛，但肉體嘅痛點都唔及心靈嘅痛，我唔可以再生細路仔，我唔再係正常嘅女人。」自此她跌入人生的谷底，害怕被別人問起兒子狀況，躲在家中不敢見人，更曾三度自殺，但最後為了生命中唯一的兒子，她選擇活下去。

打擊接踵而至，丈夫因不想斷子絕孫而提出離婚，鄭小姐痛斥：「我唔揀內地醫院，係因為啲親友話聯合醫院好，點都諗唔到會冇我同家人同意，就割走我個子宮，連帶我最愛嘅丈夫、幸福亦一併被奪走。」

■記者盧振威