鄉議局執委會尋日匯報新大樓籌款進展，話籌款工作成果差強人意，仲建議外聘籌款公司協助籌款工作。睇番大孖沙嘅捐款，連同上月新世界發展董事總經理鄭家純捐出嘅五百萬元，已籌得逾七千萬元，而海外鄉紳就總共捐出九百萬元，夾埋佔咗大半工程費，好明顯「差強人意」四隻字係衝着廿七個鄉委會。

局方當初嘅如意算盤，係希望每個鄉可以籌到二百萬元，廿七個鄉共有五千四百萬元，但聽聞現在只得大埔鄉事委員會超額交出六百萬元，其他鄉就未見影，或者已經開定支票等發叔去收都未定。