14/09/2009

播放本新聞相關短片

政情：王敏剛嘆人大名不副實

近日有多個港區政協同人大就香港記者喺新疆採訪被毆一事，向國家領導人反映意見，曾任新疆自治區顧問兼全國人大代表王敏剛尋日專登由北京返港，出席討論事件嘅研討會，席間更多次直斥新疆武警長期執法粗暴，又話自己都接過唔少類似嘅投訴，佢好無奈咁引用前港區代表吳康民退休時講「港區人大有負人民所託」呢句話，佢解釋，各級人大由縣市到全國有成二百幾萬人，而且權力連香港嘅太平紳士都不如，所以好多時候，的確係有負人民所託。