「喺邊度？邊度嚟㗎？」

煲呔曾同老婆曾鮑笑薇大約喺兩點九左右離開馬場，大批記者守候多時，問佢對三名工人死亡嘅睇法，但係曾自詡「政治家」嘅煲呔曾，竟然對咁大事件茫然不知，反問記者：「喺邊度？邊度嚟㗎？」此時，煲呔曾至猛然驚覺發生咗大事，面容繃緊，上車前拉住隨行官員密斟咗成兩分鐘，之後一言不發上車，絕塵而去。佢辦公室嘅運作同溝通，可能有啲問題喎。

三名工人證實不治後嘅兩個鐘頭，煲呔曾除低咗佢嘅紅色煲呔去到現場，佢耷低頭照稿讀，話對事件感到難過，不過遲到都好過冇到嘅。勞工及福利局局長張建宗都現身意外地盤，除咗講完佢嘅份內事，仲講埋人哋嗰份，搶閘預告話新鴻基地產會發恩恤金畀罹難者，每人一百萬。