卅八歲女被告許碧君，被控在今年五月十六日至七月九日期間，無合理因由而不斷打電話予男事主葉開榮，旨在向對方造成煩擾。

50幾日打百幾次

案件昨於下午提訊時，裁判官質問被告為何早上傳召她進庭時，她未有現身；被告解釋正在庭外與駐庭社工談話，因弱聽又不想帶助聽器，故聽不到傳召。裁判官閱畢案情後又問被告：「正常講你係事主的病人，點解要喺五十幾日內打成百幾次電話畀佢？平均一日都兩、三次喎！」被告冷靜回應：「我係有打，不過唔記得打咗幾多，你覺得我打電話係唔正常？」裁判官忙表示：「我無咁講。」

「係佢唔出聲 我想討公道」

被告亦否認刻意打無聲電話騷擾事主，她解釋：「係佢唔出聲，我有原因先打，我想取回公道，佢應承醫好我，醫到一半又唔醫，態度又差，畀好少時間（醫我）。」而控方則透露，被告在四至五月期間曾接受事主治療，卻從不付診金，因此事主拒絕再替被告治療，並開始接到懷疑是被告的騷擾電話。被告現准以現金一百元保釋外出，裁判官特別提醒她在保釋期間，不得以任何方式騷擾控方證人，否則將取消擔保。

案件編號：KTCC 5382/2009