距離特首選舉還有兩年多，不過，有多名記者趁昨日的長和系中期業績發布會，詢問李嘉誠對下屆特首的看法。李嘉誠拒絕表明支持甚麼人，但是提出他揀選特首的兩大原則：「第一個係呢個人值唔值得你信任、香港人信任，第二個係佢勝唔勝任。勝任講工作能力，信任講人嘅質素，兩樣爭一件都唔得。如果叫我支持邊個，我就靠呢兩個門檻嚟支持。」

朋友來往冇特別關係

問及有報道指梁振英曾專程登門拜會他，李嘉誠立即作出澄清：「老實講，我好多朋友，時時有來有往。亦都有好多傳說，話呢班朋友當中，有好幾位都係有機會做特首嘅。我唔會因為佢嚟坐，傾吓偈，咁我就話我同佢就有乜特別關係，冇嘅，最緊要都係嗰兩大原則。」

李嘉誠強調，他早於一九四○年來港，視香港為自己的家鄉，希望香港在今日、明日和長遠未來都好，因此，認為特首必須做到得到信任和勝任，這樣才能帶領香港人走向更好的短中長期前景。

香港需和諧務實環境

被問及香港最近接連爆發多宗勞資糾紛，和黃旗下的屈臣氏蒸餾水早前亦出現工潮，是否令企業更難在經濟不景氣下開源節流。李嘉誠強調，香港需要一個比較和諧、務實和理智的環境，不希望見到更多勞資糾紛。

李嘉誠又說，其實屈臣氏蒸餾水八、九成員工都如常工作，只有八十多名員工參與工潮，對公司運作沒有大影響，而且事件現已獲得圓滿解決，公司毋須付出大量金錢提高員工福利，只是稍為改善工作制度，勞資都明白和接受，他對此感到相當滿意。