■記者莫麗珊

標準龕位設計可供擺放兩個骨灰盅，但實際擺放「雙盅」者僅約兩成半。 （設計圖片）	放大圖片	放大圖片

過去十年，本港每年平均有逾三萬人死亡，由於龕位供不應求而令先人無處容身，但事實卻有大量龕位未有盡用。陳小姐的祖母早前因病逝世，申請食環署龕位時，發現只有標準型（可安放二個骨灰盅）及大型（安放四個骨灰盅）龕位可供選擇，質疑當局設計失誤。

「我淨係要擺一個骨灰盅，點知最細嗰種都要放兩個（骨灰盅），焗住一個（盅）霸晒兩個位，真係好嘥！」陳指祖父母離婚多年，祖母與母親關係又欠佳，三人身故後絕不會一同安放，龕位餘下空間只會白白浪費，「就算等到我死都係幾十年後嘅事，依家講到咁多人等緊（龕位），如果可以將啲標準位一開二，就唔使啲先人排隊等位啦！」

市民不知可共用一位

食環署發言人承認，截至現時為止，轄下共有十四萬九千八百多個龕位已存放骨灰，當中只有三萬八千個龕位已擺放兩個或以上骨灰盅，約佔兩成半。對於被指設計失誤致龕位未能盡用空間的指摘，發言人未有正面回應，只解釋標準及大型龕位設計，乃配合巿民普遍希望將有親屬關係的先人骨灰共放一龕，認為有關設計較只放一個骨灰盅的龕位更能善用空間。不過，接獲轉介後，發言人又指該署日後興建靈灰安置所時，將研究增設單人龕位。

立法會食物及環境衞生事務委員會委員王國興狠批當局宣傳不足兼設計失誤，「將一家人嘅位放埋一齊原意係好，可惜宣傳唔夠，搞到冇乜人知，簡直嘥料！」王認為當局應考慮增設單人龕位建議，以充分善用空間。

殯儀業界促增設規限

「依家啲大位只係貴標準位少少，人人諗住買定會穩陣啲，可惜根本冇乜人知道啲細位可以放多個，咪搞到冇人擺囉。」殯儀業商會永遠會長吳耀棠建議當局加強宣傳並增設規限，如規定大型龕位申請人須最少存放兩個骨灰盅，以減少「一『盅』霸大屋」情況。