黃憶述，當日偕子探望友人後，由兒子駕車載他返家，途至偉發道近觀塘繞道交界時，因聽到座駕的車頭發出異響，將車停於一邊，即距案發現場近百米的位置。期間，對面線一輛警車馳過，駛落偉業街轉入偉發道上觀塘繞道往旺角方向。

「警察做得好差」

「警車經過我身邊，車上兩警員仲望吓我部車，之後駛上觀塘繞道，打橫停咗路中。」他又指，兩名身穿反光衣的警員，連忙落車擺設雪糕筒截停五輛汽車，豈料不足一分鐘，遠處車群引擎聲震天，高速飆至的飛車黨，驚見警蹤紛紛收掣不及，失控猛撞前面車群。黃又指，部分飛車黨或撞開路障缺口突圍，或急忙逆線掉頭，三輛私家車更與他擦身而過，沿偉發道急速逃去。他形容當時在場的警員及無辜司機無不目瞪口呆。

廿多年前曾任職警務人員的他，今次亦不值警方所為，指「飛車黨」瘋狂駕駛已夠喪心病狂，但警方截停車輛堵截亡命飛車更加瘋狂，不諱言：「警察做得好差，好有問題，好彩冇人傷亡，否則道歉都冇用。」黃更打個比喻：「捉持槍賊人，明知有市民喺度，都唔敢開槍啦！」