立法會即將放暑假，好多議員都計劃外遊，但偏偏「新丁」陳克勤無打算去旅行，就算去，都準備選擇去鄰近地區玩三幾日，莫非佢唔驚女朋友詐型？其實克勤仔有苦衷，最近佢返回十年前發迹當選做區議員嘅馬鞍山頌安邨探訪，好多街坊都問佢點解咁耐唔見影，只在報紙和電視上見到佢。克勤仔惟有尷尷尬尬咁話：「唔好咁講啦，一陣啲人以為我成日都唔落區呀，咁好大件事！」
雖然班頌安街坊只係講客套說話，但克勤仔就醒覺自己做地區工作真係少咗，所以希望利用今個暑假做多啲地區工作，將勤補拙。佢在一個電台節目上坦言，凡從政者，即使遇到一盞街燈壞咗，都要親力親為去做。回想當選時「一乳成名」，克勤仔話風波對佢影響不大，事關從政就預咗有失儀機會，突然要用英語進行政策辯論，實在有啲困難。