本港首富李嘉誠尋日專程去汕頭，出席主持汕頭大學全新嘅圖書館大樓啟用儀式，李超人喺致辭中提到反思嘅問題，話大家生活喺瞬息萬變嘅年代，對一啲曾經深信不疑嘅事物，需要恒常作出靈活反思。
汕大喺李超人支持下不斷成長，圖書館係汕大今年的重點建設項目之一，總建築面積超過二萬一千平方米，藏書超過四十六萬冊。館長楊明華為咗多謝李超人二十幾年嚟嘅關愛，尋日準備咗份禮物送畀李超人，梗係唔係金銀珠寶啦，而係新舊圖書證，真係有意思。
現代社會知識就係財富，李超人賺錢能力無人會質疑，佢對知識亦有一套見解，值得大家深思，佢提醒大家，對曾經深信不疑嘅事物，都要時刻反思，咁我哋嘅認知先至能夠與時並進。
卓妮
