阿越原為建築工人，○一年三月不幸因工業意外令頸、腰受傷，翌年六月申請法援索償，訴訟纏繞多年至早前才告完結。不過，追討期間，阿越發現法援署出錯頻頻，早於○四年開始，法援署發出的信件竟一再「寫錯名」，「好多封信佢哋都將個『越』字寫為『城』字，到舊年收嘅信都仲錯緊！」
職員馬虎出錯離譜
接獲多封寄給「阿城」的信件，阿越早已對法援署職員處事馬虎大表不滿。未料，今年四月法援署向阿越發出的文件，又再出錯，訟費金額竟將「$2,500.00」寫為「$2,500.000」，阿越坦言乍看以為要支付二百五十萬元訟費而「嚇咗一跳」。雖然出錯對實際金額並無影響，但阿越直言，該署職員連連出錯，令他信心盡失，「法援署發出嘅文件係咪應該要小心對清楚，啲法律嘢點可以亂咁嚟！」
「人名係最基本嘅資料，每次出信前都要核對，點錯得？啲職員究竟有冇用心做嘢！」立法會議員李慧琼直言無法接受法援署錯漏百出，認為法援署有必要徹查不斷出錯的原因，「人誰無錯？但五年嚟斷斷續續都寫錯事主個名就真係好奇怪，應該要好好檢討。」
資深律師黃國桐指出，大部分法援申請人對法援署文件內容較為緊張屬人之常情，「法律對好多市民嚟講都係遙不可及嘅嘢，佢哋亦都唔熟法律程序，一旦見到法援署連受助人嘅名都寫錯，一定會好驚，同埋唔知點算！」
或影響進度須交代
黃亦質疑法援署接連出錯，或會影響案件進度，「冇人知會唔會因為個名錯咗，搞到搵唔番個檔案，可能遊咗幾個月先有人處理！」黃認為法援署應調查個案是否因此被延誤，給事主一個交代。
法援署發言人承認，職員在開設檔案時錯誤輸入資料，以致電腦複製文件時出現相同錯誤，但強調有關出錯並不影響申請人了解案情進展，以及所簽署的一切文件內容。至於銀碼問題，發言人續稱，「$2,500.00」及「$2,500.000」同樣是二千五百元，但承認負責草擬文件的職員應該要更加嚴謹。
訴訟拖延增工友壓力
手停口停的打工族一旦要循法律途徑追討賠償，追討需時一向備受關注。街坊工友服務處勞工幹事郭正權指出，大部分工友缺乏訴訟經驗，而登記及提交文件等法律程序煩瑣，一旦中途程序有誤，訴訟時間將會一拖再拖，「我見過有個工人索償嗰陣，一星期要上律師樓三、四次，因為成日要請假，連做緊嗰份工都受到影響。」郭又指曾有工友追討工傷訴訟糾纏逾兩年仍未審結，令工友生活與精神壓力大增。
■記者 梁少儀