本文重點
立法會各政黨有不成文協議，「新丁議員」首兩年唔可以做任何委員會主席，最多只能做副主席，遇啱主席請假嘅時候，才可以做替工主持會議。
環境事務委員會副主席陳克勤呢位新丁議員，本周一遇啱主席請假而一嘗主持會議滋味，秘書處特別在會前額外提供一份「議事綱要」畀佢，避免會議程序出錯，點知克勤一睇，發現同區議會或政府諮詢架構提供嘅綱要好唔同。
好彩無炒大鑊
克勤在網誌上話，區議會或政府諮詢架構提供嘅議事綱要內容詳盡，成個會議流程好似劇本咁寫晒出嚟，相反立法會嘅綱要只係提綱挈領式，只列出會議重點和撮要內容，幸好當日討論嘅議題爭議不大，議員同官員又無炒大鑊等失控場面，未有增加主持會議嘅難度，唯一係要控制各人發言時間，在適當時候截斷議員和官員發言。