男色誘惑:型男眼神索女睇見周身痕

眼睛係靈魂之窗,除咗用嚟欣賞各種事物之外,仲能夠反映出一個人嘅精神狀態,甚至係性格,而且擁有迷人眼神更加可以冧人,將異性電到暈陀陀。澳門就有兩位靚女最鍾意欣賞男人嘅眼神,更加認為眼神足以將女性搞到心癢難熬添!

撰文:賢 攝影:強

堅定不移

人與人之間嘅交流,其實唔單止需要靠說話,身體語言亦都好重要,特別係一對男女溝通,如果冇眼神接觸,難免會有偏差,甚至有誤會發生。而講到眼神,大家可能會諗起靚女嘅一雙迷人眼神,不過男人嘅一雙眼睛,亦可以成為令女士為之心動嘅武器!

來自澳門富×夜總會嘅靚女寶兒就表示,自己擇偶同好多女仔一樣,都會留意對方雙眼,寶兒話:「從男人嘅眼神當中,除咗可以睇到佢哋當時有冇精神之外,亦可以從中睇出佢哋嘅性格㗎!例如,面對我呢種靚女,特別係當我穿低胸裝,露出一條深深乳溝嘅時候,若果呢個男士仲能夠正正經經同我傾偈,完全冇偷偷地向下望我嘅乳溝,呢種男士嘅性格一定非常堅定,而且仲刻苦耐勞,一旦同佢拍拖就會貫徹始終,至死不渝喇!另一方面,佢哋喺床上亦一定會勇往直前,為咗令女方得到滿足而埋頭苦幹,真係諗起都心癢癢呀!」

高瞻遠矚

從眼神就可以睇得出性格同床上態度,寶兒你真係叻女喇!呢個時候,寶兒嘅好姊妹Yoyo突然有話要說,Yoyo話:「其實我都同寶兒一樣,可以從男人嘅眼神得知其性格㗎!」你又有乜方法呀?!

Yoyo話:「男人除咗要有堅定不移嘅性格之外,做事有理想,有遠大志向亦都好重要。至於點樣先知道男人有冇呢種特質呢?其實好簡單咋,只要留意佢哋嘅眼神就知道喇!因為有呢種特質嘅男人一定高瞻遠矚,雙眼經常會留意遠處嘅事物,正所謂放長雙眼就係咁嘅意思喇!佢哋每當談及自己嘅理想時,一定會將頭微微向上,雙眼望向高處,眼神仲會流露出希望同決心,呢種眼神真係Man到震,對女仔嚟講仲會覺得好誘惑添!」既然係咁,小記下次同女仔單獨約會嘅時候都要試吓喇!

半開半合

不過話時話,小記同好多男士都好想學多幾招,方便下次約會女仔嘅時候可以加以應變,以免獨沽一味悶親對方嘛!寶兒又話:「既然你哋咁好學,都係一件好事,又不妨教多你哋一招半式啦!」好嘢!寶兒繼續話:「唔使咁開心住,學到幾多,用得幾巧妙都係要睇你哋自己資質有幾高。其實要用眼神將一個女仔搞到心癢癢,甚至征服,頭先我同Yoyo所謂嘅眼神交流當然唔少得,不過咁樣都仲未夠,因為仲欠臨門一腳,將女仔嘅慾火挑起。」

咁即係點先?寶兒話:「我先問吓大家記唔記得自己飲醉酒嘅時候,雙眼呈現甚麼狀態喇!冇錯,就係半開半合,處於半醉半醒之間,呢種眼神顯示出大家陶醉於酒精當中,同大家受美色所迷嘅眼神其實差不多!女仔見到你哋用呢種半開半合嘅眼神,如癡如醉咁望住佢,一定覺得你對佢非常之冧,更加明白你情深款款嘅一面,個心真係甜到漏,你仲明示少少,對方一定知道你想點啦!」

寶兒Profile

年齡:22

三圍:34、23、34

興趣:煲劇

Yoyo Profile

年齡:23

三圍:33、23、33

興趣:睇小說