政府部門無視傷殘人士需要又一例證！不良於行的黃先生需以輪椅代步，並不時路經灣仔鵝頸街市，發現上址出入口雖設有傷殘人士斜道，但斜道前卻建一個梯級，令輪椅使用者寸步難移，「高咗一級，叫我哋啲坐輪椅嘅點上去，都唔知點解會咁設計！」
無障礙設施關注組發言人梁球不滿食物環境衞生署對情況視若無睹，令無障礙設施得物無所用，「冇理由高一級都睇唔到，如果梯級高過十五厘米，輪椅使用者根本用唔到！」梁又稱，現時所有私人大廈均受無障礙設施條例限制，唯獨政府大廈獲得豁免，「呢個咁荒謬嘅政策就要檢討吓啦！」
不過，食環署發言人卻辯稱，上址傷殘人士斜道分別位於寶靈頓道及軒尼詩道入口，兩者均沒有梯級阻礙傷殘人士出入。
