撰文：祖 攝影：強
急色玩家
澳門夜總會一向都好崇尚透明度，就連囡囡嘅制服都咁透明，等啲客人可以一覽無遺，揀到最合心水嘅囡囡。
既然啲囡囡着咗等於冇着，咁就擺到明放「色奴」畀啲客人知道，可以隨心所「慾」，盡情品嘗啦！所以去親澳門夜場玩嘅男人，十居其九都唔係咁識得憐香惜「肉」，問都唔問，氹都唔氹，一嚟就要同囡囡「打手球」。
「正所謂食得鹹魚抵得渴，做得呢份工，就預咗畀客人抽水。但係女仔人家點都有啲矜持嘛！招呼都未打，一嚟就摸，真係搞到我唔知點算好，避又唔係、嗌又唔好，個心好唔舒服囉！」澳門利×夜總會嘅PR娜娜同萱萱講緊嗰陣，不自覺摸咗自己個胸幾下。
「其實好多客人都熟口熟面，擺到明係職業玩家，但佢哋一樣係咁心急，一嚟就要搜身，有啲客人仲衰到攞我哋應酬班波友，自己摸完仲會揭起我塊『車頭冚』，然後同啲波友講：『你哋睇吓，佢對燈幾正斗！』喺咁嘅情況下，啲波友梗係即刻走晒埋嚟，爭住同我盞車頭燈檢查啦！搞到我鬼死咁尷尬。」
波癮難耐
「係啦！啲男人真係好似前世未玩過波咁㗎！」娜娜姊妹萱萱亦附和咁講。
「雖然我哋會畀客人抽水，但係點都保持少許矜持，咁樣先至矜貴吖嘛！大部分嚟玩嘅男人都唔識得乜嘢叫情趣，一嚟就要過手癮，完全冇理過我哋感受，仲有呀！有啲客人去完廁所、洗完手，一坐番低就要伸手入我件衫裏面取暖，真係凍到我入心入肺。另外，有啲客人就成晚起勢咁『門鐘』。你知啦！嗰度好敏感嘛！死忍又好辛苦，唔通叫我當住咁多人面前嗌出嚟咩！好醜怪嘛！」
蓄意犯手球
「其實，我並唔係想叫啲客人停手，只不過想佢哋先禮後兵啫！」萱萱大方咁講。 「喺夜總會裏面，畀啲客人先嚟個『開球禮』唔係問題，但係我就最想佢哋慢慢嚟，最好大家先飲吓酒，等雙方熟咗，再摸吓錫吓，之後佢哋想點咪點囉！老實講，啲客人真係唔使心急，出到去，咪一樣有機會畀佢哋犯手球！」
娜娜亦點點頭表示認同咁話：「我寧願啲客人斯斯文文都好過急色地抽水，或者等大家坐埋咗一陣，就扮到唔覺意犯咗手球，咁我都會易接受啲，感覺亦會舒服啲，咁嘅話，畀佢犯多幾次又有咩所謂呢！」