食肆阻街無日無之，影響環境衞生，食物環境衞生署責無旁貸。葵涌光輝圍有食肆每晚均佔用行人路擺放枱椅經營，居民李先生不滿道：「條行人路畀啲舖頭用嚟擺枱櫈，行人冇路行，條街又搞到污糟邋遢，食環署理都唔理吓！」
葵涌區內食肆阻街情況嚴重，葵青區區議員黃潤達直斥食環署執法力度不足，「食環署成日都係往往收到投訴先去巡，直情係唔踢唔郁！」黃促該署加強執法，同時亦呼籲食肆負責人自律，勿佔用公眾通道造成阻礙。
食環署發言人指出，除派員突擊巡查及採取執法行動外，亦已安排外判潔淨服務承辦商每日清洗街道。過去三個月在上址一帶展開突擊巡查行動中，共向違規食肆負責人提出九宗檢控。
