政情：倪錫水減人工自我安慰

薪酬調整委員會尋日公布公務員最新嘅薪酬趨勢指標，結果顯示私人機構高、中、低層員工嘅薪酬調整幅度全線下跌，如果政府真係根據呢個指標調整公務員人工，公務員大概要減薪百分之一至五不等。紀律部隊早前要求政府調整薪酬機制，要求喺頂點以上再加一級，依家好有可能加薪唔成，反而要減人工。難得紀律部隊評議會主席倪錫水扮阿Q自我安慰，話薪酬趨勢出現負數令佢「好意外」，不過會尊重遊戲規則；就算焗住要減薪，都會同市民共度時艱，絕對唔會輸打贏要喎。

直擊人類豬流感最新疫情
詳情瀏覽on.cc《奪命流感》