本文重點
經過長達四天的盤問，被指是○六年遺囑見證人的王永祥，昨終作供完畢。他步出法庭後坦言如釋重負，又笑說：「原先以為一日問得晒，無諗過會咁長！」
「放低咗好多工作」
王永祥表示，因為連日來到庭作供，以致心情緊張，亦曾經擔心專業形象會因此事受損，但最後仍然堅持出庭作證。他又直指陳振聰的代表律師連日來反覆盤問同一件事，令他覺得很煩，「對方有啲過分，一個人無可能每件事每個細節都記得咁清楚，就算你睇video都無可能記得所有細節啦。」
王永祥昨日完成作供後，心情明顯較輕鬆，更罕有地流露笑容，他說第一件事是要回辦公室處理積壓多天的工作，「對我日常生活都好大影響，我放低咗好多工作，依家要返去做番未完嘅公事。」另外，他說自認識龔如心以來，從未見過陳振聰、亦未聽過他的名字，直至今次爭產事件曝光他才得知陳的存在。
其實王永祥在爭產案開審前，行蹤低調，每天基本是上班下班，亦難得在周末與友人行街吃飯放鬆吓心情。上月中記者在銅鑼灣鬧市見到王永祥忙裏偷閒，與一名女子行商場和撐枱腳，該女子一身ＯＬ打扮，與王有講有笑，有時與王永祥把臂同行。
■本報記者