政情：蔣麗芸搵銀不忘賑災

阿Ann賺錢之餘，都不忘做善事造福社會，好似去年看到四川地震災情慘重，於是就聯同黨友彭長緯及一班熱心市民，參加一個與四川省婦聯聯合主辦嘅「戶對戶家庭援助計劃」，為受災最嚴重地區之一嘅彭州市約一千戶單親貧困家庭提供每月港幣三百三十三元援助金，為期一年，即每戶每年獲援助近四千元，希望幫助災民重建家園。

事隔大半年，阿Ann同彭Sir上月帶隊上去探訪災區重建工作，仲帶備一大批圖書送畀當地幾間小學，部分受助災民感動流淚。據講當地嘅雙流縣棠湖中學共安置了四十五位在地震中失去雙親嘅孤兒學生，班級編號設為「第零班」，喻意一切重新開始。