政情：瓜分人工訴求林D9廢噏回應

林D9林瑞麟成日畀人話佢白人工冇嘢做，最近有隊獨立樂隊My Little Airport就以佢為題材，借金融海嘯作咗首歌仔，話要《瓜分林瑞麟三十萬薪金》，歌詞抵死好笑：「瓜分，讓我們瓜分林瑞麟每個月三十萬元的薪金，讓我們的新碟會有更好的錄音……這件事雖不能發生，但諗吓亦開心，林瑞麟本身都應被瓜分。」首歌放咗上youtube，吸引咗近萬人次瀏覽！尋日問林D9點睇首歌，佢作咗上述回應，又係例牌廢噏，講咗等於冇講。