撰文：小德 攝影：強
初戀滋味
呢兩個靚女，都係嚟自澳門金×夜總會，佢哋分別係21歲嘅苗苗，佢身材都唔錯，樣子甜美，特別係笑容就最迷人，唔少男人畀佢嘅笑容電親；至於另一個係19歲嘅珊珊，身形適中，樣子清秀，同佢傾偈，真係有如沐春風嘅感覺。先問珊珊，點解咁鍾意食雪糕？珊珊話：「細個好少機會食到雪糕，所以對雪糕嘅印象一啲都唔深。長大之後，有一年嘅夏天，同學叫我去佢做兼職嘅雪糕店等佢收工，仲請我食咗一杯，我至開始被雪糕吸引住。」
究竟雪糕有乜嘢吸引力呢？珊珊諗一諗就話：「清清涼涼，對抗炎夏絕對無得彈，加上軟滑甜美，食落令人好舒服，可以將啲唔開心嘅事拋諸腦後，食後嗰種暢快嘅感覺，真係可以用快感嚟形容。」有冇咁誇張呀！食雪糕食出快感？珊珊話：「真㗎！當然之後喺雪糕店識到我初戀嘅男朋友都有影響，佢對我好好，每次約會都係喺雪糕店食雪糕，後嚟有一日，我仲將自己嘅第一次……所以之後每次食雪糕，都會聯想起愛情嘅甜蜜。」
當飯嚟食
咁你同初戀男朋友家陣點呀？
珊珊話：「分咗手啦！係和平分手，所以拍拖時啲甜蜜感覺，到今時今日都感受得到，特別喺食雪糕嘅時候，嗰種甜蜜嘅感覺就最突出，有時食食吓會有埋生理反應添！」唔係咁誇張呀！既然咁鍾意食雪糕，咁喺冬天又會唔會照食雪糕呢？珊珊笑笑口話：「我喺冬天都會食雪糕，好多朋友都話我傻。有次落緊大雪，我忽然想食雪糕，於是走去便利店買，點知一連好幾間都冇，之後打手機畀朋友哭訴，朋友叫我擘大個口向住個天食到夠，食飽就唔好再投訴。」
至於另一個靚女苗苗又鍾意食雪糕到乜嘢程度呢？苗苗話：「我都係最近呢幾年至鍾情食雪糕，但我比珊珊仲誇張，因為我可以雪糕當飯食，即係可以三餐唔食飯，但就唔可以一餐唔食雪糕，而且一日唔食過雪糕，我仲會感到周身冇力添！所以去其他地方旅行就要好小心，要先知道當地有冇雪糕食，因為曾經有一次去過啲太窮鄉僻壤嘅地方旅遊，周圍都冇雪糕賣，只得啲啤酒汽水，就算到咗當地嘅大酒店，一樣搵唔到雪糕食，搞到我冇晒心情。」
事後雪糕
據講苗苗真係連飯都食唔落，最後餓咗三日，坐機飛返去大城巿，落機第一次件事，就係食咗三客香蕉船，真係服咗佢！但係食咁多雪糕唔怕變肥婆咩？苗苗話：「起初都有啲驚，後嚟食咗咁耐都唔覺肥，可能雪糕影響唔到我啩！」咁男朋友對你食雪糕有乜嘢意見呢？苗苗笑笑口話：「我經常同男朋友一齊食雪糕，特別係夏天同男友親熱之後，我哋鍾意食番杯事後雪糕，嗰種清涼透心、甜蜜滋潤嘅感覺，可以將親熱中唔完美嘅部分補足，令人回味。」
咁有冇發生啲關於雪糕嘅趣事呢？苗苗話：「因為我可以食雪糕嚟當飯，所以同朋友去街食飯，佢叫一個飯，我叫一杯雪糕，同女仔咁叫一定冇所謂，但同男朋友去，佢就會好尷尬，因為侍應會以為佢冇錢，只叫一碟飯兩個人食。」兩位將來會唔會開間雪糕店呢？珊珊話：「應該唔會，我咁為食，我怕食晒自己間雪糕店啲雪糕。至於將來其實好簡單，只要有男仔不斷咁請我食雪糕，我就覺得幸福㗎啦！」有時幸福真係好簡單，只係大家有冇掌握喺手嘅啫！
苗苗Profile
年齡：21歲
三圍：33、23、34
珊珊Profile
年齡：19歲
三圍：33、34、33
撰文：小德
攝影：強