【本報訊】「原本好好哋一個正常人搞成咁，真係好心噏，好心痛，點解要屈打成招？佢都冇做過，依家日日提心吊膽，擔心佢出事！」強媽哭訴，其子阿強事發後病情嚴重，曾試過對着一堵牆自言自語，指自己識揸飛機揸大炮。為免其子做傻事，強媽曾經每天到兒子的工作地點看着他，以免他發生意外。
現年廿五歲的阿強抱着頭說，原本身兼冷氣技工、電召客貨車司機及替巴士站更換廣告等多份工作，事發後令他失去所有客戶，至少損失三萬多元生意額，現時僅能依靠電召客貨車工作維生，而事發前剛購入一輛廿多萬元的客貨車，每月供款五千多元，加上母親失業，父親又剛剛喉癌康復，令經濟雪上加霜。
強媽說，阿強是家中經濟支柱，經常拿家用返家，是好仔一名，但警察拉錯人後，令其子精神異常。阿強說：「我有段時間真係以為街上嘅市民都係便衣警察，又以為手錶同埋戒指都裝咗跟蹤器。」他可幸向精神科醫生求醫，經治療及食藥後，現時情況已穩定，可重新投入工作。