Apple Watch專用 GymKit監測運動

Apple Watch去年加入GymKit功能，美國等地的健身中心已先後引入新玩法，等了又等，終於輪到香港的Pure Fitness ifc mall健身中心有得玩。顧名思義，GymKit為運動而設，Apple Watch用家只需將系統更新至watchOS 4.1或以上，運動前拍一拍場內的Life Fitness心肺訓練器材，兩者便會經NFC自動配對，傳送心跳、卡路里、距離、速度等訓練資訊。做完運動後毋須下載任何程式，數據便會儲存到手錶及iPhone內，較以前做Gym只能望住部機睇數據，依家檢視進度就容易得多。場內所見，支援GymKit的有跑步機、滑步機、室內單車及樓梯機，例如與跑步機連動後，開跑前可透過Apple Watch錶面揀選室內跑步或步行模式；運動初期忘記連接手錶，也可中途再配對，之前的數據也會自動過落器材作出整合，貼心又方便。