5.5吋AQUOS S2視野無邊際

用盡三邊設計

第一眼看見AQUOS S2已被其屏幕吸引，皆因它與同廠Crystal系列一樣大玩無邊框設計，新機的屏幕更貼近上、左、右三邊，雖然下方保留了實體Home鍵，但屏幕佔機面比例有87.5%，較之Galaxy S8嘅84%仲要高，令新機嘅Size與傳統5吋手機接近，但屏幕卻增大至5.5吋；加上支援2,040×1,080解像度、550nit亮度及135% sRGB色域，顯示質素超班。

水晶珀機背手感不俗，還備有雙鏡頭及補光燈。	支援雙卡雙待，SIM 2卡槽可擺放microSD記憶卡。	機面Home鍵內置指紋辨識器，最多可加入5組指紋。

實測全屏缺角

由於屏幕經過重新設計，頂部兩邊留有小斜角，最離奇是為了遷就前置鏡頭而加入凹位。實測發現，大部分預載程式包括相簿、日曆、計算機等都會以全屏顯示，屏幕缺角的位置大多是介面空白位，實際影響不大。惟試睇片時，畫面會避開缺角位而稍為縮細，令屏幕出現黑邊。反而玩遊戲時，頂部位置會變成遊戲工具欄，提供勿擾模式、按鍵鎖、系統清理等功能，操控都算方便。

睇片時畫面會縮小避開缺角，變相多咗黑邊未能用盡全屏畫面。	大部分內置程式都支援全屏顯示，惟頂部鏡頭位會出現缺角。	打機時頂部會變成遊戲工具欄，方便設定勿擾模式、按鍵鎖等。

高配版稍後推出

AQUOS S2用上鋁合金中框，機背用料視乎版本，現時到港的屬一般版，用上日系手機常見嘅水晶珀加強透亮感，並提供黑、白、彩藍、薄荷綠四色選擇；而稍後推出的高配版則改用曲面玻璃機背。硬件方面，一般版採用Qualcomm Snapdragon 630處理器、4GB RAM及64GB ROM；高配版改用Snapdragon 660處理器、6GB RAM及128GB ROM。而新機亦跟上潮流換上雙鏡頭，可營造淺景深拍攝效果，內置1至7級景深可供調校。而一般版在內地及台灣均已開賣，後者毋須更新軟件已預載一系列Google服務，所以定價貴幾百元。

《S Boost智慧加速》可掃描並清理系統垃圾，有助提升效能。

拍攝介面設有1至7級景深效果，並可實時預覽。

規格表

制式：GSM、WCDMA、TDD-LTE、FDD-LTE

處理器：Qualcomm Snapdragon 630

記憶體：4GB RAM、64GB ROM、支援microSD

屏幕：5.5吋（2,040×1,080解像度）

鏡頭：（前置）800萬像素、（後置）1,200萬像素＋800萬像素

其他功能：802.11ac、藍牙4.2、USB Type-C、NFC

電池容量：3,020mAh

作業系統：Android 7.1

體積：141.8×72.04×7.9mm

重量：140g

同場加映：日系AQUOS R 旗艦硬件

雖然Sharp近年轉攻中、台市場，但日本方面依然有限定機款推出，當中AQUOS R屬今季旗艦作，仲搵來女星柴咲幸拍廣告。雖然其外形用上典型的圓角直板機身，但做工有一貫日系機的高水準，機側及機背加入拋光處理。最吸引是搭載Snapdragon 835處理器、4GB RAM及64GB ROM，效能同市面嘅機王睇齊，而5.3吋屏幕有2,560×1,440解像度，支援HDR及120Hz刷新率，提升暗位細節及動態流暢度。另內置「AQUOS Useful」功能，包括手握機身着芒、自動捲頁等。

AQUOS R體積只有153×74×8.7mm，搭載5.3吋屏幕及Snapdragon 835處理器。 售價：$7,180	拋光機背效果勁靚，備有2,260萬像素鏡頭。	內置多個泡泡燈光效果，例如來電時會亮起。
《AnTuTu》跑分接近15萬分，效能拍得住一眾旗艦機王。	「AQUOS Useful」功能設有圖解及功能示範。	日本女星柴咲幸為AQUOS R拍的廣告，以高效靚芒力谷手機。

撰文：林子聰

攝影：盧展程、胡振文

查詢電話：2374 0618