浙江莫干山極限基地有乜好Discover？

全球首個「Discovery探索極限基地」，剛於4月26號在浙江省的莫干山正式開幕。用得Discovery此大名，入面玩嘅，都應該係野外求生活動為主，如食吓蟲，搞到成身泥，流落荒山野嶺之類。的而且確是有很多Hardcore玩意，但我未夠膽試，惟有玩住攀石、徒步探索、叢林滑索同網陣挑戰4大項目，玩完後夠你肌肉痠痛好幾天。探索極限基地現時只完成了第1期工程，之後的第2及第3期，將會有熱氣球、UTV、地面障礙等活動，連極限運動Mountain Bike都有！自問喜歡戶外活動又唔怕辛苦的你，6月後到訪，應該可以一次過玩盡園內所有活動。

就算沒有學員，一班專業教練平時都會自己Keep住上網陣玩Roleplay，確保自己夠體能同記住所有Rules。

逐個試網陣挑戰最中伏

來到園區，當然率先試玩現有項目，首先是徒步探索，多謝26號開幕日落足一整天的「長氣細雨」，探索路線變成「朱古力泥漿」，變相增加難度。探索路線霸晒整個山頭，亦有分不同Level，這次挑戰中級版，雖然只有短短700米路程，但傾斜度達70度，泥漿步道上摔跤超過10次！正當我打算以瀡滑梯的高姿態瀡落山腳時，教練叫大家面向山，腳盡量踩住石或大塊的樹根，拉住繩慢慢落，會冇咁易跣低。第2站來到叢林滑索，Discovery園區最長的滑索道約有600米，不過就屬第2期項目，暫時未起好。唔緊要，有另一條約25米的小學雞滑索道頂住檔先。着好裝備後，聽教練指示，拉住繩爬上70度斜的山腰，再過埋條河先到滑索道口，25米的滑索道，3秒就玩完，唔夠喉喎！

最後挑戰的是4層樓高、有20個關卡的網陣，網陣木材由新西蘭空運過來，每日早上教練都會Check清楚每一條木、每個關卡夠穩陣，先畀人上去玩，而且每個學員都有一名教練隨行，邊玩邊指導之餘更會確保你安全。開始之前要上個簡單的「解鎖課」，要學懂在完成每個關卡後，如何將扣實你的安全帶有技巧地移去下一個關卡。Discovery設計的網陣沒有明顯地分難度，但教練話要爬上4層樓高的繩網一定最考體力，我膽粗粗話要試，爬到一半，其實已經覺得「伏已中」，仲要單手捉緊繩網，另一隻手用來解鎖！最後是成功登頂，但仲有幾個關卡等緊，畀我回一回氣先好冇？30分鐘後，我終於完成最頂層的大考驗。雖然真係刺激又好玩，但我就寧願玩100次跳樓機同過山車都唔玩1次呢類玩意，因為真係好鬼攰！全身肌肉沒有一處係唔痠痛，體力大考驗呀！

25米長的叢林滑索刺激度欠奉，不少人以極放鬆姿勢完成。	第一層的網陣，10歲以上就玩得。	行過約10米的繩索後，方可去玩滑索。
徒步探索分不同路線，今次走的中級已經斜到要瀡落山，咁高級係點？	媽啊好攰！	園區內有Gear Room（他們叫Clinic），教練每日都會細心檢驗所有裝備。
探索徒步中，如果一路行都見到呢個牌，證明你冇蕩失路，恭喜。	Discovery頸巾，¥69（約HK$82）。	中國最大的戶外攀石牆，高25米，攀石專家特意將Grips減少以增加難度。

野外求生，睇你點掙扎

徒步探索除了是Trekking路線外，也為之後的求生課程而設，教練會教學員如何在絕境中求生，如流落荒島或迷失於深山中，冇人冇物點算好？搭建Shelter、搵水源、取火等技能不少得，又會於步道上設置不同的陷阱「睇住你點死」，成功克服到陷阱固之然好，中計的話，最後當然都會救番你喇。

教練丁丁	玩網陣前的「解鎖課」好重要，每個關卡都有十字鎖，要利用安全扣的缺口通過十字鎖先可繼續下個闖關位。	Discovery的探險課程，會教你如何搭建臨時Shelter、搵水源、取火等求生技能。
25米高的攀石牆難度甚高，不如學這位小妹妹先在小型攀石牆試玩算吧。	（左起）開幕當日邀請了中國3大攀石專家湯珉、劉永邦及肖婷為大家表演。	記者玩後感邊個最刺激？記者因為太淆底的關係，唔敢玩攀石，只試了徒步探索、叢林滑索同網陣挑戰。玩之前預計，叢林滑索會是最刺激，最輕鬆的會是繩網，玩完後，結果又係點？