詠春揭秘見招拆招

謎團壹

睇詠春電影成日見到練拳時打木人樁，一支支木條點解咁樣擺法？

拆解：見到電影主角練木人樁打到「啪啪聲」，原來唔係為咗有型。學習詠春逾40年的雷師傅表示：「木人樁之所以稱為『木人』，其實係模仿人嘅肢體，而伸出的木條是代表不同手腳部位，主要由三支樁手和一支樁腳組成，並唔係亂咁擺。木條各個位置用以配合詠春拳唔同招式練習攻防。除了木人樁外，我們練習時還會用沙包等輔助器材。」雷師傅補充：「好多人誤解以為詠春只有拳法套路，其實佢仲有刀和棍兩類兵器，我們稱之為八斬刀和六點半棍。但係如果未打好基礎，連雙手都未控制自如，都唔會建議人練兵器。」

雷師傅表示，木人樁以模仿人的肢體，由三支樁手和一支樁腳組成。

李博士稱，會將測試數據寫成文獻，弘揚詠春武術。

謎團貳

外間講到詠春拳又快又準，實際係咪咁勁？

二字拑羊馬：重心落在中間，腳尖向內收，膝頭自然屈曲，而膝頭唔會感到受壓，大致動作有少許似騎馬，所以有部分騎師都會學習詠春拳。	攤手：主要是沉肘和埋肘，唔主張夾死腋窩，而手肘盡可能向着中線，手心完全向上。不過詠春好難單以文字去表達，必須要用身體體會。	黐手：多數會雙人練習，最基本的動作是一方擺出伏手和膀手，另一方則是攤手和膀手，透過練習繼而變化出各種動作。

是否「行家一出手，便知有沒有」？

拆解：香港中文大學醫學院矯形外科及創傷學系的助理講師李韋煜博士稱：「我之前同雷師傅合作，透過一連串實驗去測試詠春拳動作。首先要師傅擺出『二字拑羊馬』，再打出『日字衝拳』，測試重心分布和足底壓力，結果發現其壓力主要分布於腳掌後半部，證明穩定性很高。其後叫師傅擺出正確與錯誤的『攤手』動作，而正確動作比錯誤動作用少一成力以上。最後係『日字衝拳』實驗，證實力量係由下身傳至上身，而且於出拳前後，收緊和放鬆肌肉的時間很短，速度高之餘仲可以慳唔少力。」雷師傅強調：「如果從姿勢上已看出高手或低手，雙方實力已相差好遠。分辨高手唔會只睇動作，而且係需要切磋，因為高手係唔會靠死力。」

謎團叁

好多人都話學過詠春，識得「二字拑羊馬」等招式，點樣知道動作係咪正宗？

拆解：雷師傅表示：「每個人的體質和柔韌性各異，就算同一個師傅所教，唔同人打出來的詠春拳都會稍有分別，所以冇分正唔正宗。例如我所教的詠春拳，唔會提示發力位，係唔想學生太注意發力點而限制了動作。」以下是雷師傅心得分享：

人氣詠春電影

提起詠春電影，各位第一時間可能會諗起「宇宙最強」《葉問》系列，而梁朝偉的《一代宗師》雖然延至2013年初上映，但單睇Trailer雨中打鬥場面，已值得期待。

《葉問》系列

（2008及2010年）

主演：甄子丹

《一代宗師》

（暫定2013年）

主演：梁朝偉

《詠春拳法紀錄片》

弘揚嶺南武術

為了推動詠春武術文化，雷師傅特地拍攝了一輯以詠春拳主題的《詠春拳法紀錄片》，於佛山嶺南天地取景。影片不僅由科學角度剖析詠春拳，更詳談詠春哲學精髓，最精彩當然係雷師傅親身示範詠春招式，有興趣的話可到網上瀏覽。

網址：www.lingnantiandi.com

撰文：黎子豪 部分攝影：郭凱敏 模特兒：Jasmine（Unique Model）