Volkswagen Showroom電腦揀車好Easy

汽車陳列室的規模唔只愈來愈大,而且仲好多花臣,好似Volkswagen喺九龍灣嘅Showroom咁,除咗有VIP Room、Cafe同精品櫃外,最近仲整咗套電腦揀車及資訊系統,一方面可減少使用紙張,二來可將揀車過程簡化,在92吋的巨型TV Wall上進行車身及內櫳的顏色配搭,親友可在旁一齊畀意見,照顧夠晒周到!

高科技銷售

Volkswagen汽車標榜高科技,連Showroom設施都Hi-Tech過人,繼去年利用iPad作為銷售工具後,今年再開發了一套全新的電腦揀車及資訊系統,客人可在輕觸式屏幕上揀車之餘,亦可查閱全線車系及品牌資訊,圖片、影片以至電子介紹書統統有齊,部分資料更可透過E-Mail即時獲取,減少紙張的使用,方便得嚟又環保。想更深入了解每部車,系統更可透過短訊(SMS),將原廠製作的iPhone及iPad Apps下載連結發送至客人手機。

地方大夠方便

Volkswagen位於九龍灣的陳列室,面積達到15,000平方呎,展出車輛涵蓋全線車系,揀啱邊部可即時跳上車Feel吓,唔使下下搵人喺停車場駛部車落嚟咁嘥時間。由於「T牌」的限制,車上運載的乘客不得多於兩人,外出試車時,難免有親友在Showroom等候。為此,廠方在資訊系統上加入上網功能,客人可在特大的屏幕上瀏覽網頁來消磨時間,又或者到精品櫃揀定一、兩件汽車精品,如鎖匙扣之類襯番部車,時間都過得特別快。

尊貴VIP房

此外,為Phaeton客人而設的VIP Room,更設有小酒吧、梳化及高清大電視,感覺猶如置身五星級酒店,而且私隱度較高,在這裏與營業代表商談購車事宜及進行個人化設定,尤為寫意。廠方表示,貴賓室內最近安裝了藍芽系統,營業員的iPad可與房內的影音系統連接起來,iPad畫面可同步在大電視顯示,客人只要安坐梳化便可閱讀想要的資訊,對消費者來說無疑是全新的購車體驗。

撰文:鄭浩文 部分攝影:林資凱 查詢電話:3698 9888(Volkswagen HK)