星戰孖寶貴價燈場

乜嘢叫做經典？當一套作品播完N年，產品依然出完又出，不斷蠶食Fans嘅荷包就為之經典。要數古今中外經典名作，最毒莫過於《星球大戰》，日本Medicom就將C-3PO及R2-D2兩隻機械孖寶徹底還原，造型和裝備可謂當今1:6 Figure中最完美，不過睇埋售價破千，叫「長期糧尾」嘅玩家點買喎！
「唔好追殺我哋呀！」（設計對白）<br>售價︰$1,380（C-3PO）、$1,250（R2-D2）
「唔好追殺我哋呀！」（設計對白）
售價︰$1,380（C-3PO）、$1,250（R2-D2）

歷年最完美

《星球大戰》電影中冇人夠天行者同黑武士搶眼，但講到卒仔，白兵以外就要數呢對孖寶。原著中C-3PO係禮儀機械人，R2-D2則係導航機械人，不過實際見佢哋做嘢唔多，反而出親場都蝦碌搞笑。其一金一白嘅經典造型，多年來為Hasbro、SideShow同壽屋等玩具廠進帳不少，等咗咁多年，Medicom終於忍唔住手玩埋一份，而且設計仲根據Gentle Giant Studios嘅立體掃描，造工和比例稱得上完美。

全身硬膠打造

造型來自星戰第4集嘅C-3PO，設計上已比其他集數仔細講究，交到Medicom手上，小記認為水準高對手幾個檔次。就以Body來說，佢並非用一般人形素體穿上盔甲就算，而係用硬身ABS塑料打造，細看之下，仲會見到手臂至手掌的精密結構，連油壓管都忠實呈現，加埋手位的舊化污漬，根本與電影造型一模一樣。最吸引是它在雙眼加入亮燈裝置，着燈後瞳孔及紋理清晰可見，其他廠想跟都難！

C-3PO頭部有亮燈裝置，令瞳孔及細紋清晰可見，唔似其他廠用塗裝模擬出來。
  • C-3PO頭部有亮燈裝置，令瞳孔及細紋清晰可見，唔似其他廠用塗裝模擬出來。
腰間的電線都造到層次分明，配合盔甲的舊化，還原度相當高。
  • 腰間的電線都造到層次分明，配合盔甲的舊化，還原度相當高。
以往好多玩具廠為減省成本，會將兩隻小腿都鍍成金色，Medicom如實把右腳鍍上銀色，誠意可嘉。
  • 以往好多玩具廠為減省成本，會將兩隻小腿都鍍成金色，Medicom如實把右腳鍍上銀色，誠意可嘉。

性價比偏低

R2-D2被產品化的機會較多，小記對Medicom的期望自然更高。實物所見確沒令人失望，其頭部的輪廓及像真度都較舊作優秀，並像電影般在頭頂設有發光系統，但以一般12吋Figure來說，只有15cm身高兼冇任何機關配件，卻賣過千元實在說不過去。若硬要說服自己乖乖畀錢，就是整體塗裝都極具真實感，例如腳底有污漬，頭部顏料亦呈現出金屬感，總算將玩具升格為收藏品層次。

頭頂識得着燈，可像電影般發出3種顏色燈光。
  • 頭頂識得着燈，可像電影般發出3種顏色燈光。
隱藏式前腳可調校不同角度，而且污漬亦呈現一定舊化感。
  • 隱藏式前腳可調校不同角度，而且污漬亦呈現一定舊化感。
雙腿關節比歷代都要出色，甚至做到「倒豎葱」，但電影中幾時見過佢咁做？
  • 雙腿關節比歷代都要出色，甚至做到「倒豎葱」，但電影中幾時見過佢咁做？
  • 放大圖片

同場加映

漫畫白兵：這款Clone Lieutenant是SideShow專為Convention Con玩具展而推出的限定版，全身塗裝及舊化效果都非常逼真，賣$780算合理。

撰文︰陳志滔

攝影 ：陳世昌

查詢電話 ：2388 4677