iDTV 冧女要可愛冧仔要畫質

要證實男女大不同，未必要睇書或請教專家，只需與一男一女走入影音舖揀電視，就會發現此言不虛。男士揀電視最重視畫質，Full HD是起碼條件，玩埋3D就更切合男士貪新鮮的性格；至於女士們就會睇部電視的外形及顏色，搶眼可愛的話當然有分加，駁條天線睇埋高清節目就最適合不過。如果你想買部新電視冧吓老婆或老公，就不能錯過以下介紹了。

LE6500 售價：$3,980

冧仔切記畫質至上

男士揀電視最重要畫質，就算外形四方冇新意，但只要畫質細膩清晰，一樣會得到鍾愛。好像Panasonic旗艦級50吋3D Plasma iDTV TH-P50VT20H，黑位細膩感較LCD TV更佳，動態對比度更達5000,000:1，不會黑埋一舊舊，加上600Hz Sub-field驅動系統及智能畫面創造功能，令高速動作場面變得流暢。

男士死穴貪新鮮

10個男士9個貪新鮮愛刺激，揀電視當然愈好玩愈吸引。TH-P50VT20H支援VIERA CAST功能，連接網絡後就可以睇YouTube或Picasa相簿，甚至接駁鏡頭玩Skype視像通話，睇電視睇到悶，都可以即時轉口味上網，啱晒一眾冇耐性的男士。

可惜遙控器不是粉紅色，否則就真是襯到絕。

iDTV內置高清電視調頻器，只需直駁天線就能睇到高清節目，節省接駁機頂盒的麻煩。

iDTV內置高清電視調頻器，只需直駁天線就能睇到高清節目，節省接駁機頂盒的麻煩。

此外，新機還支援3D顯示技術，只需配合相應3D藍光機及立體眼鏡，就能安坐家中欣賞3D電影，立體感突出之餘，影像亦很穩定，隔着立體眼鏡睇電視都能保持銳利黑位及鮮艷色彩。

機身厚度只有39.9mm，夠晒纖薄，就算擺入書房或睡房都冇問題。

機側設有USB（上）插口，支援直讀相片及短片檔案。

放大圖片

粉紅電視啱晒女士

如果男士是實用主義者的話，女士就是浪漫主義者，揀電視時偏向考慮外形與顏色配合。這又難怪，將房間布置成粉紅色「卡嘩依」之際，突然擺部黑漆漆的iDTV在床頭，又的確幾殺風景。如想送部電視冧老婆的話，不如揀LG出品的22吋LE6500，粉紅機殼配透明粉紅底座，搶眼又可愛，機身亦相當纖巧，迎合大多重視靈活性多於屏幕尺寸的女性用家。

設有SD卡插槽，支援直讀短片、相片及音樂檔案。	VIERA CAST可直接經電視上網睇YouTube或Picasa相簿，唔使駁電腦夠方便。	立體眼鏡採用主動式快門3D技術，需要入電池才能操作，幸好夠晒輕巧，長時間戴着都唔覺重。
TH-P50VT20H 售價：$36,800