姚明抵京火箭今鬥籃網
【本報綜合報道】NBA中國賽今晚上演，火箭與籃網將在北京五棵松體育館硬碰！火箭今回中國之行都算辛勞，僅停留五日四夜，但要在兩個城市打兩場比賽，所以球隊昨日抵京後，亦充滿倦容，幸好「小巨人」姚明今次除有隊友相伴外，亦有老婆葉莉陪伴在側，拍住拖甜蜜回國，令人羨慕。
（無綫明珠台及now 635周三晚8時直播）
阿杜文對地獄賽程有微言
火箭事隔六年後再度參與中國賽，不過今次賽程就非常緊迫，大軍昨日從美國抵京後，下午就隨即要進行訓練，而今晚就要在北京與籃網比賽。首站賽事結束後，兩軍明日就會飛往廣州，預備周六晚上舉行嘅第二場中國賽。
火箭教練阿杜文賽前就對此地獄賽程略有微言：「在這星期內，我們只有兩次訓練及比賽當日投籃熱身，根本就唔足夠。再者中國賽完畢後，距離開季就只剩一星期，我希望賽會往後能給予更好嘅安排。」雖然疲累，但唔少火箭球員都頗為期待今次中國之行，皆因佢哋都想感受一下「小巨人」在中國嘅人氣，並期望佢能夠充當導遊，帶佢哋遊覽。
另方面，「壞孩子」艾佛遜已接近與土耳其球會貝希克塔斯達成協議，預計「AI」會簽約一年，連獎金在內將獲200萬美元薪酬。
這次行程除參觀不同新建場館外，賽會還邀過百名中、外傳媒直擊選手村及記者村等，據悉在亞運會後，選手村及記者村將會向外發售，一千多呎的單位約售130萬人民幣左右。
司徒子文廣州直擊