Mia自爆多人追反擊錢景峰
郭秀雲兒子錢景峰與o靚模陳靜儀（Mia）分手才半個月，估不到男方在外國已火速另結新歡，昨日盛傳棒打鴛鴦的郭秀雲在公開活動中主動向傳媒報喜訊，至於Mia則以身邊不乏追求者作反擊。
郭秀雲（Sharon）昨日與契媽嘉玲出席資深傳媒人馮美基的新書發布會，對於o靚模被禁在書展宣傳，她以沒有看過寫真集為由不願置評。之後她自爆兒子的近況，表示對方已有新女友，一直被傳反對Mia與兒子拍拖的Sharon說︰「佢之前分手唔開心，佢嘅朋友同佢講墮馬就要即時騎上馬，佢已經搵到新女友。（Mia知唔知呢件事？）我唔知。囝囝過多一星期就會返香港，我未見過佢新女友，應該唔係外國人。（新女友有冇結過婚、生過仔？）有邊個會係，好少有，不過咁難中都畀我個仔中咗，我唔清楚，就算係，都唔係衰事，我都好細個有我個仔。」
分手不涉第三者
至於Mia接受電話訪問時，對錢景峰有新女友一事表示不知情，她坦言近期甚少與對方聯絡。問到會否為此而不開心？她說︰「我哋已經分開咗，佢有佢自由。（有冇諗過復合？）我想專注工作，我哋係因了解而分開，大家唔夾，做朋友較適合。」她強調分手不涉及第三者：「佢同我一齊時係專一。」之後她又指很多男性朋友約她食飯，但她不心急拍拖，並說：「我唔敢再同有名嘅人拍拖，怕影響形象同冇私隱，唔想畀人話我貪錢同博宣傳。」另外，對黃秋生以妓女比喻o靚模，她認為是侮辱，屬人身攻擊。
微博留言酸溜溜
雖然Mia口中對錢景峰拍拖一事表現大方，但在微博上卻充滿酸味，她寫道︰「你的事，原來我要在別人口中才知道……」以及「愛情就像棉花冰一樣……甜蜜過後很快就甚麼也沒有，這就是你所謂的愛嗎？」
而錢景峰卻否認有新歡，他指純屬誤會︰「有次媽咪打畀我問我做乜，我話同某人睇戲，可能係咁誤會我有女友。不過我阿媽向來好鍾意我拍拖，證明我唔係基。」
文：名人組