滾過翻尋味

的確出嚟「滾」一定要身體好，否則會愈「滾」愈差。大家唔好心邪，講緊嘅「滾」其實係食火鍋咁解啫！早前一開業就引嚟一班名人fans排隊捧場嘅「板獎自家火鍋」，近日推出獎門人至愛嘅新湯底及一眾長老推介嘅獨特火鍋食材，包你「滾」完會心思思再「滾」過！

「滾」到慶冬蔭功湯底

鹿舌 $78 新西蘭鹿脷比牛、豬脷較少膽固醇，低脂而健康。配上達人醬令鹿舌的肉味更為突出。最佳灼淥時間：2'00"。

日本南瓜蝦湯 $108 日本南瓜蝦湯配鹿舌就最好喇，再配以精選上等乾貝、銀魚等海鮮精製而成的達人醬就Perfect Match！

由獎門人曾志偉、和食達人Ricky San及米蘭站老闆Byron三位好「滾」之徒聯手打造的火鍋店「板獎自家火鍋」。一開業即晚晚爆場，為咗回饋食客fans，全新推出冬蔭功湯底，此湯底的出現全因老闆們發現在板獎自家火鍋店附近一間由地道泰國大廚主理的泰國菜館，那裏的冬蔭功湯令他們一試難忘，即想到將這湯引入成為火鍋湯底，連泰國人試過都話正。除此之外，另一火辣推介有麻辣牛肉湯底，內裏的牛肉已預先燜腍，唔使等就有得食。

駝鳥扣 $58 駝鳥扣配上以特選方式調配出鮮鹹味足的沙茶醬，能吊出駝鳥扣的爽口鮮味。最佳灼淥時間：1'30"。	魷魚一夜干 $60 魷魚一夜干要配由特色辣醬、花生、黃豆精製而成的麻婆辣醬。以辛辣且帶微酸的味道來令魷魚的鮮香味更加突出。最佳灼淥時間：0'10"。	八爪魚吸盤墨魚丸 $88/8粒

夜滾友蒲點

佐賀和牛 $450（6個部位：肉眼、西冷、上腿腳肉、牛腱子、肩肉、肉眼上肉）用和牛打邊爐已夠奢華，佐賀和牛各部位食法各有特色，愛腍者可選肉眼，愛牛味濃者則可選牛肩。

放大圖片

除咗獎門人及眾獎老推介，其實「板獎自家火鍋」仲有好多必試食品，好似獨家鏗魚湯底、日本三陸象拔蚌、皇帝菜沙律等，當然唔少得特色獎門混「醬」，每位食客可隨意挑選醬料，自製混醬，當中6款「達人醬」更是由獎門人引入，包括烹大師達人醬、麻婆辣醬及川香牛肉醬等，每款都深受食客歡迎，必試！加上營業時間由傍晚六時至凌晨四時，試問夜鬼又點可以唔去「滾」！

欣欣推介	嘉樂仔推介	祥仔推介

查詢電話：2367 6680