謝婷婷一頭霧水奉旨封嘴
張栢芝於上月十二日誕下謝家二少Quintus，Quintus即將滿月，身為姑姐的謝婷婷即成傳媒焦點，出席活動時被追問滿月酒的細節，惟在外國長大的婷婷，卻對滿月酒和百日宴零認知，實行奉旨繼續保密！
謝家二少於上月十二日出世，產後極速修身的栢芝，日前帶Lucas行街，各界猜測她是為Quintus滿月酒做準備。昨日婷婷為「The Art of Love. In Here. At Festival Walk」揭幕時，吸引大批傳媒採訪。婷婷對於Quintus滿月酒三緘其口直言：「唔清楚呢啲嘢！」浸鹹水大的她更笑言：「我以為滿月酒同百日宴係同一樣嘢！」被問到栢芝有否找她幫手時，婷婷表示沒有，並謂有好多人幫手，她謂栢芝產後多數留家休息：「栢芝出院後我都冇見佢，但係就有通電話，因為唔想阻佢休息。」
霆鋒忙拍戲
而父親節將至，已很久沒有一家人慶祝的婷婷，謂未知如何慶祝，並透露胞兄謝霆鋒忙於在外地拍戲，但婷婷坦言希望一家人團聚慶祝：「哥哥做咗爹哋後，我都冇同佢講過父親節快樂，至於買禮物畀爹哋就好易，佢會錫住我嘅。」談到爹哋謝賢甩拖，她說：「之前我同佢個女朋友相處都好好，但依家爹哋畀多啲時間我，我會開心啲，大家多咗打電話畀對方。」
此外，對於近日湧現多位翻版謝婷婷，正版婷婷不覺被借宣傳，大方謂：「冇所謂。」續說男友安志杰（Andy）日前出席活動時與翻版婷婷同場，問到Andy覺得翻版婷婷如何？她說：「佢梗係覺得唔似啦！」
文：名人組