Yumi純真「撲蝶」嚇親助手

趙碩之師妹尹蓁晞（Yumi），樣靚身材正就係人都知，不過佢份人查實又懵又可愛，唔熟佢嘅人，見到佢傻傻地可能仲分分鐘以為佢扮純情添！話說有日，Yumi出席一個慈善活動，當時鬼死咁多人，唔知點解突然間有條粉紅色羽毛從天而降，飄呀飄，其他人見到都最多對條毛指指點點啫，點知Yumi就一個箭步以「撲蝶」姿勢撲向條毛兼傻笑，嚇到佢助手當堂眼都凸埋，仲同身邊朋友講：「我都話佢傻架啦！」難得Yumi明明聽到人哋咁樣話佢，都仲要笑笑口，而且邀請個助手一齊「撲蝶」，真係純真得可愛。