安志杰浪漫求婚娶硬婷婷

型男安志杰（Andy）昨日與諸葛梓岐（Marie）和汪圓圓一起為瑞士天梭錶旗艦店開幕擔任嘉賓，三人齊齊用腳踩特製油門泵爆氣球來為品牌打氣。

讚美麗孝順

日前謝婷婷曾指Andy是完美男友，當大會主持問Andy婷婷是否完美女友？Andy即一臉情深地說：「係呢一生最完美。」連在旁的圓圓聽後亦不禁「Wow」了一聲。

安志杰透露會叫婷婷做寶貝，因叫Baby太普通了，婷婷則叫他Honey。

眾人用腳踩特製油門泵爆氣球，諸葛梓岐（右）和圓圓（左）嚇得邊踩邊掩耳。

至於婷婷有甚麼是完美，Andy說：「佢做咩嘢我都會覺得好舒服，冇諗過我哋咁夾得嚟。佢心地善良、美麗同埋孝順，係我嘅結婚對象。（求咗婚未？）你哋估吓。（婷婷有冇拒絕你？）應該唔會拒絕我嘅。（嫁硬你？）我希望佢會嫁畀我。」

圓圓瘦十磅

他表示求婚方式是秘密，但一定會很浪漫和有驚喜。他又謂若然結婚應會公開：「係開心事，我想同大家分享，我自己好大方。（想結婚先定生BB先？）我覺得依家好幸福，結唔結都一樣感覺。（今年內結婚？）或者啦。（有冇同拉姑講過？）有提過但冇真正講過，要搵個時間好好咁傾吓。（有冇同霆鋒講？）佢知我好愛婷婷，唔需要講太多。」

另外，剛於上周五腸胃炎病愈出院的圓圓就瘦了近十磅，住了整整一星期醫院。而在出院前一晚，竟有神秘人送上百朵紅玫瑰給她，坦言現有追求者的她說：「佢用雀仔署名，我唔知係邊個，好想知，咁做已經加分。」而Marie被問到陳法拉失落金像獎一事，她揚言有關對方的事都不回應。

文：名人組